القاهرة - سامية سيد - تحدثت الفنانة التونسية فريال يوسف عن كواليس دورها في مسلسل بابا جه، حيث قالت في تصريحات خاصة لـ"الخليج 365": "سعيدة جدًا بمسلسل بابا جه وكفاية أنها مع شركة محترمة زى ميديا هب والشركة المتحدة للخدمات الإعلامية وبحب أشكرهما جدًا لأن كل حاجة في اللوكيشن كانت منظمة جدًا وبيتعاملوا بحرفية كبيرة جدًا، ولم يكن هناك أي مضايقات من أى نوع ولا أى تعطل".

وتابعت فريال يوسف: "الممثلين كانوا أكثر من رائعين وتحس أنك في مباراة تمثيلية، وكله بيجى جاهز، وبيمثلوا عشان التجويد وأنهم يقدموا أفضل ما لديهم، فأنا سعيدة جدًا بهذه التجربة وحساها خطوة لحاجات ممكن تتفتح يعنى نقدر نقول خطوة بعد غياب ممكن تفتح آفاقا جديدة وأدوار تانية مهمة وأرجع أقدم حاجات كتير زى الأول.

وتحدثت الفنانة التونسية فريال يوسف عن مشاركتها في رمضان من خلال مسلسل بابا جه بطولة أكرم حسني، وقالت في تصريحات خاصة لـ ”الخليج 365”: دورى بالمسلسل مش صغير وموجود وكويس وبظهر في أغلب الحلقات والحمد لله إن في ناس بتكلمنى من نفسها ويعرضوا عليا أدوار، لأن في ناس لما بتغيب سنة أو سنتين بيتنسى من الجمهور ومن شركات الإنتاج، وأنا الحمد لله لم يحدث معى ذلك ولما قررت أرجع لقيت في حاجات مكنتش على مزاجى للدرجة ولكن عشان الرجوع لازم اشتغل عشان عندى التزامات، وفى حاجات عملتها كنت حباها برده".

وعن تجربة الكوميديا في مسلسل بابا جه قالت فريال يوسف: "الكوميدية حاجة حلوة ولذيذة وعملت حاجة كوميدية قبل كده ويمكن الكوميديا بتكون ادواتها قليلة انك تضحك لأن من الصعب تضحك الناس، ولكن أنا ميالة أكثر للدراما والقصص اللى فيها تراجيدية لإنها بتكون قماشتها واسعة وأدواتها أكثر".

مسلسل بابا جه ومن بطولة أكرم حسني، نسرين أمين، سماء إبراهيم، فريال يوسف، محمود البزاوى، محمد أوتاكا، الطفلة لافينا نادر، الطفلة حور أحمد وضيوف الشرف محمود البزاوى، كريم فهمى، أحمد أمين، محمد الكيلانى، وغيرهم من الفنانين ومن تأليف وائل حمدى ومحمد إسماعيل، وإخراج خالد مرعي، إنتاج شركة ميديا هب سعدى – جوهر.

شاهد المزيد من أخبار مسلسلات رمضان 2024 عبر بوابة دراما رمضان